六樓後座冰室 (Closed)

最近搬咗去九龍灣開工， 去左德寶商場搵地方食晏， 行過見到有間叫六樓後座冰室嘅茶記， 成盤裝修大玩懷舊feel， 入到去聽夥記介紹話之前停咗一輪嘅鴨腿湯飯今日有返， 咪執輸即刻叫個試下， 上枱見到比足四份一隻鴨， 唔似有D鋪真係比一隻鴨肶就算， 抵讚~ 個湯頭又真係幾好味喎， 一來唔算太油膩， 二來亦有齊陳皮冬菇芫茜香味， 確係唔錯， 唯一想彈吓嘅係如果嗰幾條菜芯可以改返用勝瓜就會仲正宗同再夾味D， 總括黎講都好滿意， 包熱飲才48蚊， 性價比高！ 睇黎可以做一排飯堂lu~