Video
Read full review
2019-02-13
1107 views
身為新界人，有新餐廳一定第一時間知，火水爐都開到入屯門，就喺以前馨居果個位，門面到裝潢都好容易吸引到人目光，所以平日夜晚生意都好好。鋪面唔算好大，但由於採用舊式大排檔嘅格局，其實相同之闊落，枱與枱間有充足空間。鋪頭裝修行懷舊路線，七十年代咁嘅特色，火水爐，電影院，霓虹燈、階磚都勾起好多人回憶menu分幾款套餐，最平就198蚊起，任食火鍋配料例如牛肉、黑毛豬肉片、蔬菜、丸類等等，主打花膠雞，可以揀雞煲或者雞湯鍋，前者先食雞煲，之後仲可以揀湯底，兩小時任食任飲，如果9點後入座仲會減多30蚊，性價比都算唔錯。花膠雞鍋、頂級牛小排套餐：可以揀麻辣花膠雞煲或濃厚花膠雞湯鍋，我地揀左後者，花膠雞湯鍋入面都幾足料，有好多雞件、瓜同花膠。花膠軟滑，共兩大片，滋潤養顏。雞件比想像中好食，雞肉唔會太鞋，尤其係脾位，仲幾嫩滑添。湯底有花膠味，唔算好濃郁，但清清地，可以飲兩碗先打邊爐。個煲唔係好大，我地都要食左D瓜先開始打邊爐。呢個套餐包左三款牛肉，頂級牛小排、特級安格斯牛肉同美國肥牛，三款當中就當然係牛小排最出色。脂肪均勻，唔會雪到死實，肉質軟淋，仲有肉味。安格斯牛肉都唔錯，唔鞋口。另外仲有黑毛豬肉片，都o
menu分幾款套餐，最平就198蚊起，任食火鍋配料例如牛肉、黑毛豬肉片、蔬菜、丸類等等，主打花膠雞，可以揀雞煲或者雞湯鍋，前者先食雞煲，之後仲可以揀湯底，兩小時任食任飲，如果9點後入座仲會減多30蚊，性價比都算唔錯。
花膠雞鍋、頂級牛小排套餐：可以揀麻辣花膠雞煲或濃厚花膠雞湯鍋，我地揀左後者，花膠雞湯鍋入面都幾足料，有好多雞件、瓜同花膠。花膠軟滑，共兩大片，滋潤養顏。雞件比想像中好食，雞肉唔會太鞋，尤其係脾位，仲幾嫩滑添。湯底有花膠味，唔算好濃郁，但清清地，可以飲兩碗先打邊爐。個煲唔係好大，我地都要食左D瓜先開始打邊爐。
呢個套餐包左三款牛肉，頂級牛小排、特級安格斯牛肉同美國肥牛，三款當中就當然係牛小排最出色。脂肪均勻，唔會雪到死實，肉質軟淋，仲有肉味。安格斯牛肉都唔錯，唔鞋口。另外仲有黑毛豬肉片，都ok，幾滑，薄身，唔肥。
餐前小食有魚蛋同炸燒賣，幾有趣。
時令海鮮拼盤一份有蝦，沙白、蠔同魚片，每人兩隻蝦，質素最好，食落係爽嘅；沙白同蠔雪得比較勁，記得淥耐少少。墨魚滑都幾彈牙；魚片有少少腥味，老實講個拼盤我就覺得還好而已。
火鍋配料有好多款，超過五十款，牛肉、豬肉、丸類、餃，其中芝士丸、水餃、雲吞都唔錯
仲食左水魷、豆腐。
響鈴都ok嘅。
粟米正常，比較細舊，同埋唔係好甜。蔬菜類選擇多，生菜、娃娃菜、白菜、西洋菜、菜心、店芹，仲有好多菇菌呀，薯仔、南瓜等等。
最後仲有個甜品，好傳統嘅紅豆冰，加左涼粉同雜果，牛奶底，甜甜地，幾好食。
Post
