2碗米線都係3件雞脾位，2件雞胸位。每碗既雞件部位分配平均，唔會出現成碗都係雞胸/雞脾既情況，係好事。雞脾當然嫩滑，雞胸都唔鞋(不過都係雞脾好食)。湯底有好重既藥材味，喜歡，配料有蟲草花、紅棗、杞子等，$58而言都好足料，好食。
(個人口味: 3.8/5)
椰子雞湯米線($58)+1罐裝可樂($8)
最面有少少椰子粉，湯底好甜，充滿椰子味，每啖米線配一羹湯，連湯一齊食，好飽。米線亦都係我鐘意食個款，偏幼，煮得腍身。但係椰子味太重，我個人就覺得同米線唔係好夾。如果係藥膳湯底，我可以俾4分。
(個人口味:3.2/5)
