Video
Read full review
2017-04-25
2576 views
今晚出現左幾個驚喜：首先係某店的未來漢堡賣曬，近九點要喺中環搵間素食餐廳真係唔太簡單。第二係誤打誤撞搵到Veggie SF,一行入去好似穿越時空、去左90年代頭既美國咁。不論燈光、佈置都似足，相信店主應該花左唔少心機去嵬集所有懷舊小物。門口玻璃櫃子的小玩兒同首飾特別賞心悅目，真係「唔食得都睇得」！翻開menu,每款食物名稱都經過特別設計，Laksha Cha Cha Cha, Giants, Sushi 101等，而且每款菜仲用唔同字體同顏色印出黎，好似暗暗表現左每樣菜既款式味道咁。千挑萬選終於叫左Supreme Truffle 同Giants,其實真身係黑松露飯(Supreme Truffle)同菠蘿大菇漢堡(Giants)。先黎講講黑松露飯，開頭睇個賣相同一般黑松露飯無異，就咁聞落去都香味十足。好可惜食落去飯粒咬口真係麻麻，仲濕濕地，好似烹煮時時間不足、米粒未能夠收乾水咁。另一樣野係、我同我朋友都覺得個飯好咸。本身個飯底已經好咸，但係佢松露醬拌唔勻仲咸。我建議餐廳應該將松露醬先拌勻再俾客人或者上菜時提一提醒客人要自己拌勻，否則味道真係好唔平均。唯一一樣安心既係食得出個咸味係高湯味，
今晚出現左幾個驚喜：首先係某店的未來漢堡賣曬，近九點要喺中環搵間素食餐廳真係唔太簡單。第二係誤打誤撞搵到Veggie SF,一行入去好似穿越時空、去左90年代頭既美國咁。不論燈光、佈置都似足，相信店主應該花左唔少心機去嵬集所有懷舊小物。門口玻璃櫃子的小玩兒同首飾特別賞心悅目，真係「唔食得都睇得」！
翻開menu,每款食物名稱都經過特別設計，Laksha Cha Cha Cha, Giants, Sushi 101等，而且每款菜仲用唔同字體同顏色印出黎，好似暗暗表現左每樣菜既款式味道咁。
千挑萬選終於叫左Supreme Truffle 同Giants,其實真身係黑松露飯(Supreme Truffle)同菠蘿大菇漢堡(Giants)。先黎講講黑松露飯，開頭睇個賣相同一般黑松露飯無異，就咁聞落去都香味十足。好可惜食落去飯粒咬口真係麻麻，仲濕濕地，好似烹煮時時間不足、米粒未能夠收乾水咁。
另一樣野係、我同我朋友都覺得個飯好咸。本身個飯底已經好咸，但係佢松露醬拌唔勻仲咸。我建議餐廳應該將松露醬先拌勻再俾客人或者上菜時提一提醒客人要自己拌勻，否則味道真係好唔平均。唯一一樣安心既係食得出個咸味係高湯味，唔係鹽味，希望可以多加留意。
Giants菠蘿大菇漢堡又係令我好失望…睇個名好似好吸引咁，仲有薯角跟添。一個包入面只有一塊唔太厚既菠蘿同一隻唔太大既大啡菇，收158真係幾貴下。而且又係犯左同一個毛病啦：點解個大啡菇會咸到咁？會唔會所有菇類菜式都醃過龍？
但個包包都有值得一讚既地方就係個包好脆，另外就係伴碟既菜好新鮮。最欣賞係大菇上的菜苗﹝好可惜我唔知係咩菜苗﹞，有少少似芽菜味，好清新同醒胃、立即中和返大菇既咸味。
講完菜式，就講返餐廳陳設。我個人就覺得燈光太暗了，其實用黃燈都可以營造到懷舊效果，唔洗只用幾個燈膽。其次係一出電梯個位擺左唔少佛教書籍可以免費供人取閱，咁樣係非常之好、令知識得以交流，我都攞左一本睇。
Giants
$158
82 views
0 likes
0 comments
Premium Truffle
61 views
0 likes
0 comments
Post
