Video
Read full review
2007-07-18
19 views
姚東師傅第一百個食評遲遲都未能寫出, 無他天時地利人和都配合唔到, 師傅我又唔想寫d冇紀念價值野咪唯有等下囉! 其實原先約好食家"乜都放入窿"去Dap度食晚飯, 但咁約左日佢臨時唔得閒, 唯有改期啦; 又諗住同女友去盛八試下啦, 點知冇book, 佢地要我八點前交, 咁咪冇試到, 終於比我呢度搵左間好野試呀……………尋日度睇完食評, 心思思決定去呢度試下先! 去到呢個門口就已經有一種說不出喜悅, 因為一望入去就有一種好舊式快餐店感覺, 細細間仲有d顏色配撘真係十幾廿年前快餐店感覺, 入到去睇下牆上面貼左有d咩食, 之後就出去收銀度落單, 再去野食, 連餐具都要自己呀, 全自助! 睇左一陣發現好多野食同埋好鬼抵食, 於是乎決定叫個煎蛋免治牛肉飯, 腸仔牛扒飯配洋蔥汁再加多一個炸薯條! 兩個飯都有忌廉湯同埋餐飲, 一杯要左可樂, 另一杯要凍檸荼!先講個忌廉湯都幾大碟, 有粟米架, 不過就咸左少少, 都冇飲晒就已經要食煎蛋免治牛肉飯喇; 免治牛肉汁係淋晒個飯上面, 好多汁好吸引, 而個蛋煎得好靚, 蛋黃冇穿水汪汪咁, 可以整穿佢連飯食又得, 成隻食都得, 好好味好正呀; 腸仔牛扒飯配洋蔥汁又
尋日度睇完食評, 心思思決定去呢度試下先! 去到呢個門口就已經有一種說不出喜悅, 因為一望入去就有一種好舊式快餐店感覺, 細細間仲有d顏色配撘真係十幾廿年前快餐店感覺, 入到去睇下牆上面貼左有d咩食, 之後就出去收銀度落單, 再去野食, 連餐具都要自己呀, 全自助!
睇左一陣發現好多野食同埋好鬼抵食, 於是乎決定叫個煎蛋免治牛肉飯, 腸仔牛扒飯配洋蔥汁再加多一個炸薯條! 兩個飯都有忌廉湯同埋餐飲, 一杯要左可樂, 另一杯要凍檸荼!
先講個忌廉湯都幾大碟, 有粟米架, 不過就咸左少少, 都冇飲晒就已經要食煎蛋免治牛肉飯喇; 免治牛肉汁係淋晒個飯上面, 好多汁好吸引, 而個蛋煎得好靚, 蛋黃冇穿水汪汪咁, 可以整穿佢連飯食又得, 成隻食都得, 好好味好正呀; 腸仔牛扒飯配洋蔥汁又係好掂, 淨係個洋蔥汁就已經正到痺呀, 係啡色洋蔥汁而唔係橙色架, 由我碟飯番個位度我就已經笑晒喇, 因為真係好難再搵到呢d洋蔥汁喇, 食一啖飯就已經令我好滿足, 之後仲停唔到口係咁食喇, 佢個汁真係做得太出色喇, 至於牛扒就用黑椒醃過, 好香黑椒味而牛扒就好鬆身, 唔覺有肋, 腸仔反而冇咩特別, 不過就唔算咸囉, 好野; 炸薯條係即叫即炸, 好鬆好脆, 一d都唔硬, 熱辣辣好好味呀; 可樂都好正, 係細杯d不過就好夠汽, 凍檸荼又得喎, 最緊要係佢個茶膽正, 好有茶味, 正呀!
原本諗住唔夠食就再叫另一樣啦, 點知佢地份量係好大碟呀, 兩個人都食唔晒呀! $18個餐, 凍飲加$1, 薯條$9.5, 埋單$46.5, 抵食到顛! 服務一d都唔差, 雖然全自助, 但當我行出去再問個哥仔d洋蔥汁, 佢地都好樂意咁照比, 完全冇黑面; 個執阿姐又係好有禮貌, 雖然佢地接近收工但都冇催促過一句, 值得一讚!
我下次一定會再黎, 其實已經心思思想今晚再去呀, 呢間快餐店都可算係懷舊經典, 令師傅我念念不忘!
Post