Video
Read full review
2023-11-08
986 views
悉尼樂園 Sicklyland Cafe & Restaurant 📍銅鑼灣邊寧頓街9-11號登龍閣2樓A室同好耐無見嘅前同事終於約到時間食飯啦，我哋揀喺銅鑼鑼見面，行街時見到呢間個名好搞笑嘅樓上cafe，於是帶住好奇嘅心睇下到底係咩來頭。到店發現內裏有大量富年代感嘅擺設，燈光偏灰暗，加埋好多新奇趣怪嘅裝飾品同牆上米老鼠嘅壁畫，氣氛既復古又詭異。食客中有唔少人不停擺pose影相，仲有用菲林相機留影，相信呢間cafe吸引到唔少喜歡呢種風格嘅人士嚟打卡食嘢！我同同事都無話特別鍾意影相，所以主要都係影下環境同食物。本來以為佢係sell打卡，食物應該都只係得個樣，但味道比想像中好，而且賣相都幾靚，有驚喜！ 💰$88悉尼小食拼盤 (細) 🍱細小食拼盤有燒菠蘿、煙三文魚沙律、洋蔥圈。燒菠蘿切成細細嘅三角形，用心排列至一前一後、一左一右。菠蘿表面有略略燒焦嘅痕跡，菠蘿汁多帶微酸，餐前食十分開胃，配炸物食則可中和油膩感，連唔太鍾意食菠蘿嘅我都食咗好幾嚿。煙三文魚卷成玫瑰花狀，碟底鋪滿好幾種不同沙律菜，味道正正常常。整個拼盤中最好食嘅一定係洋蔥圈，每件都炸至金黃色，洋蔥茸調味適中，唔需要額外沾醬都好夠味
📍銅鑼灣邊寧頓街9-11號登龍閣2樓A室
同好耐無見嘅前同事終於約到時間食飯啦，我哋揀喺銅鑼鑼見面，行街時見到呢間個名好搞笑嘅樓上cafe，於是帶住好奇嘅心睇下到底係咩來頭。到店發現內裏有大量富年代感嘅擺設，燈光偏灰暗，加埋好多新奇趣怪嘅裝飾品同牆上米老鼠嘅壁畫，氣氛既復古又詭異。食客中有唔少人不停擺pose影相，仲有用菲林相機留影，相信呢間cafe吸引到唔少喜歡呢種風格嘅人士嚟打卡食嘢！
我同同事都無話特別鍾意影相，所以主要都係影下環境同食物。本來以為佢係sell打卡，食物應該都只係得個樣，但味道比想像中好，而且賣相都幾靚，有驚喜！
[價錢 Price]
💰$88
悉尼小食拼盤 (細) 🍱
細小食拼盤有燒菠蘿、煙三文魚沙律、洋蔥圈。燒菠蘿切成細細嘅三角形，用心排列至一前一後、一左一右。菠蘿表面有略略燒焦嘅痕跡，菠蘿汁多帶微酸，餐前食十分開胃，配炸物食則可中和油膩感，連唔太鍾意食菠蘿嘅我都食咗好幾嚿。
煙三文魚卷成玫瑰花狀，碟底鋪滿好幾種不同沙律菜，味道正正常常。
整個拼盤中最好食嘅一定係洋蔥圈，每件都炸至金黃色，洋蔥茸調味適中，唔需要額外沾醬都好夠味，口感外脆內軟，無得彈！
[價錢 Price]
💰$138
南瓜蟹肉燴飯 🎃🦀
主菜我揀咗南瓜蟹肉risotto，用咗南瓜苗做裝飾，加上軟身、顏色偏橙嘅米飯，真係同南瓜有幾分相似，可見cafe嘅用心。南瓜味道唔會好濃，少量蟹肉鋪面點綴，risotto唔會過分乾身，整體都唔錯。個人認為如果risotto可以煮得更creamy、更重南瓜味，定必會更好食。
[價錢 Price]
💰$148
喇沙龍蝦汁配大蝦長通粉 🦞🍤🍝
前同事揀咗喇沙龍蝦汁長通粉，配以四大隻彈牙大蝦，微辛嘅喇沙龍蝦汁令人食得過癮！蕃茄仔清新解辣，長通粉有咬口兼且掛汁，即使傾偈傾耐咗變涼咗，味道依舊好食。
[價錢 Price]
💰$48 (套餐補差價 +$10)
悉尼特濃朱古力 🍫
雖然要補差價，但呢杯特濃朱古力絕對值得加錢飲，因為佢真係又香濃又幼滑！朱古力入口先帶些少苦澀，但慢慢會有甘甜味，加上好輕盈嘅whipped cream，整杯飲品變得更順口，非常推介大家一試！
[價錢 Price]
💰$0 (隨餐附送)
粟米忌廉湯 🌽
忌廉味唔重，但有大量粟米，湯嘅口感幼滑，而且熱辣辣，加上用中式瓷碗裝住西湯咁搞鬼，真係幾特別幾加分。
Post
