金滿海鮮坊 (Closed)

呢間金滿海鮮坊，對於不時不食嘅觸角真係值得一讚，本來今日主要係嚟同老友打雀局，當然先歎茶啦，坐低發覺换咗新点心紙，靚女媽咪好鍾意食臘味嘅，見到26元8角嘅孖寶有我嘅至愛梗係首選啦，一向我只係買x華嘅腊味食嘅，出到街無得揀但又想食都試吓啦，鴛鴦腊腸卷，懷舊燒腩卷， 呢啲咁懷舊嘅點心出面好多大酒樓都冇得食，点都要叫黎試架哪，燒腩卷有一塊入口即溶嘅芋頭加上南乳香嘅腩肉甘香、滑，一啖咬落去真係回味無窮(最多跑多幾個圈，跳多Part健康舞啫)，好好味!鴛鴦臘腸卷 裏面有膶腸臘腸 好特別， 有啲酒樓只係有臘腸或膶腸佢就兩樣都有， 一次過滿足兩個口感，而且臘味不比x華嘅差喎，真有諗頭。意猶未盡，香芋紫米卷當甜品，用薄芋包住紫米甜甜地都好正下，唯一嫌佢太大件，不比過見人見智啦。值得推介