Video
Read full review
2025-03-15
554 views
琴晚去咗睇《Micky 17》，睇完就諗住搵間酒吧坐下飲下嘢，咁啱見到ig推介就黎試下。門口非常低調，侍應全部著住舊式茶餐廳嘅服飾，攤開嘅白色襯衫，感覺都幾有趣。店內裝修、menu設計都好有港式風格，仲要播一啲聽落都好懷舊嘅canto pop😂😂（唔知真係舊歌定用果種style呢？）Menu上有介紹好多本土酒，十分新穎，感覺見識咗香港嘅另一面。我試咗：🍸福佬芋泥 $120芋泥唔係綿滑嘅cream狀，係有啲沙沙地泥狀。飲果陣會先有芋泥嘅甜味，再有下面rum嘅酒味。細啖飲嘅話，酒味唔算濃，都唔會有苦味（有啲酒後勁會苦，呢個就唔會）。鍾意甜甜地、容易入口嘅人，可以試下呢一杯。之後仲叫咗甜品。🍮鴛鴦布丁 $88我frd以為係咖啡溝奶茶，其實係芝麻溝核桃，布丁係豆腐花，上面淋咗火龍果粉。火龍果味感覺唔到，豆腐花味都就好明顯，仲可以加酒。整體幾好味，但價錢有啲貴。🍰茅台cheese cake $118Cheese cake本身酒味唔出，試過幾次酒味整嘅飯菜或者甜品，發現往往苦澀嘅酒味會消失，取而代之嘅係一浸特別嘅甜味。隔離果舊，唔知咩黎，我估係釀酒嘅米糟（？），都幾好食。中間嘅透明啫喱，就厲害了！
門口非常低調，侍應全部著住舊式茶餐廳嘅服飾，攤開嘅白色襯衫，感覺都幾有趣。
店內裝修、menu設計都好有港式風格，仲要播一啲聽落都好懷舊嘅canto pop😂😂（唔知真係舊歌定用果種style呢？）
Menu上有介紹好多本土酒，十分新穎，感覺見識咗香港嘅另一面。
我試咗：🍸福佬芋泥 $120
芋泥唔係綿滑嘅cream狀，係有啲沙沙地泥狀。飲果陣會先有芋泥嘅甜味，再有下面rum嘅酒味。細啖飲嘅話，酒味唔算濃，都唔會有苦味（有啲酒後勁會苦，呢個就唔會）。鍾意甜甜地、容易入口嘅人，可以試下呢一杯。
之後仲叫咗甜品。
🍮鴛鴦布丁 $88
我frd以為係咖啡溝奶茶，其實係芝麻溝核桃，布丁係豆腐花，上面淋咗火龍果粉。火龍果味感覺唔到，豆腐花味都就好明顯，仲可以加酒。整體幾好味，但價錢有啲貴。
🍰茅台cheese cake $118
Cheese cake本身酒味唔出，試過幾次酒味整嘅飯菜或者甜品，發現往往苦澀嘅酒味會消失，取而代之嘅係一浸特別嘅甜味。
隔離果舊，唔知咩黎，我估係釀酒嘅米糟（？），都幾好食。中間嘅透明啫喱，就厲害了！三樣野裏面，酒味最重嘅就係佢，令人意外！！我估係直接用茅台整成嘅。
我frd叫咗🍸人人得米 $120
我冇試（唔鍾意酒味太勁嘅），所以分享唔到啦~
除此之外，埋單果陣，佢會俾個Qrcode你自己掃，online付款。好似幾方便，不過如果冇online payment嘅話會有啲麻煩。
其次，佢有加一服務費，但付款果陣會預設咗你俾5%嘅tips，所以埋單果陣最好睇清楚啦。
如果有外國朋友嘅話，可以帶黎呢間bar試一試香港本土酒。
福佬芋泥
$120
0 views
0 likes
0 comments
茅台cheese cake
$118
0 views
0 likes
0 comments
鴛鴦布丁
$88
5 views
0 likes
0 comments
Post
