荔香園冰室 (Closed)

喺旺角睇完戲，想搵個地方食個tea，經過女人街，見到呢間懷舊feel嘅茶記，見裝修幾特別，入邊又幾多客，所以就入嚟食個下午茶。佢用舊式香港做主題，裝修都圍繞着80年代香港特色，同時一路會播住啲舊歌，張國榮啊梅艷芳啊Beyond等等，充滿着以前嘅回憶啊。叫咗兩個下午茶餐，厚切豬扒菠蘿包 $38豬扒好林，不過美中不足係菠蘿包唔係好夠脆。雙拼公仔麵 $43因為我哋改咗做出前一丁，湯粉同埋麻油係另上既，店員好貼心咁同我地講出前一丁係用左佢哋嘅老火豬骨湯去煲，所以唔落湯粉個湯底都好清甜。再另外叫多咗一隻瑞士巨脾 $32瑞士巨脾真係好大隻！成隻碟啖啖肉，成隻巨脾都好濃瑞士汁味！喺旺角，想搵間坐得舒服啲嘅茶記，乾乾淨淨嘅，不妨一試呢間老香港風味茶記懷緬一下過去。