Video
Read full review
2018-08-29
60 views
呢晚落大雨，但我同朋友去左九龍城搵野食，但上openrice見到九龍城竟然開左個新火鍋餐廳，天氣有小小凍，咁我地就二話不說直接搵呢間新餐廳。餐廳環境:呢間餐廳係以舊香港為主題，有種以前冰室既感覺，裝修幾old school，地板、餐具，所有野都有跟返個主題，不過可能係新餐廳，加上呢晚又落雨，所以人流都唔算好多。餐廳餐牌:我自己覺得呢間餐廳既餐牌食物唔算多選擇，但絕對係貴精不貴多，又唔係話好小選擇，咁我地就要先選湯底，跟住再點野食，另外新張期內，其實呢到都幾多promotion。第一) 食夠$500已經送一份牛，留意返係高質既牛，第二) 飲品買一送一，仲要係感覺上幾清熱既飲品，第三) 飯後只要like返FB仲有甜品送。冬甫美人鍋 (雞湯) $188呢個湯底我同朋友都覺得好吸引，一滚之後我地試左一小小個湯，個湯係真係有雞甜味，好新鮮好清，之後可能因為今晚人流唔算多，店員有幫我地剪埋雞，服務態度值得一讚！雞肉肉質都唔錯，感覺上如果人數唔多，淨係食隻雞都有小小飽，可以唔洗叫太多其他野食。長條蟹柳 + 火爆牛丸蟹柳長條真係好好味，一定係靚料既蟹柳先會煮好耐但都唔會散，依然係一大條長條，咬落去係蟹
餐廳環境:呢間餐廳係以舊香港為主題，有種以前冰室既感覺，裝修幾old school，地板、餐具，所有野都有跟返個主題，不過可能係新餐廳，加上呢晚又落雨，所以人流都唔算好多。
餐廳餐牌:我自己覺得呢間餐廳既餐牌食物唔算多選擇，但絕對係貴精不貴多，又唔係話好小選擇，咁我地就要先選湯底，跟住再點野食，另外新張期內，其實呢到都幾多promotion。第一) 食夠$500已經送一份牛，留意返係高質既牛，第二) 飲品買一送一，仲要係感覺上幾清熱既飲品，第三) 飯後只要like返FB仲有甜品送。
冬甫美人鍋 (雞湯) $188呢個湯底我同朋友都覺得好吸引，一滚之後我地試左一小小個湯，個湯係真係有雞甜味，好新鮮好清，之後可能因為今晚人流唔算多，店員有幫我地剪埋雞，服務態度值得一讚！雞肉肉質都唔錯，感覺上如果人數唔多，淨係食隻雞都有小小飽，可以唔洗叫太多其他野食。
長條蟹柳 + 火爆牛丸蟹柳長條真係好好味，一定係靚料既蟹柳先會煮好耐但都唔會散，依然係一大條長條，咬落去係蟹肉味(雖然明知唔係真蟹)，但果種蟹甜味真係正，好值得推介，但Menu係見唔到既，店員推介我先知道有。另外火爆牛丸原來係spicy，如果menu寫明會好小小，好彩我同朋友都食到小小spicy，不過呢個都幾好味，一定係人手打既牛丸，味道唔錯架！
即炸響鈴+金菇即炸響鈴係我全晚覺得最大既驚喜，完全係食得出佢既texture係即炸，真係好香口好好味，我已經同朋友講話如果下次返黎食，我自己一個人已經要叫兩份，真係太好味了！另外金菇就正正常常，不過我之前食過其他餐廳伏既金菇，係會有泥，呢到算係洗到幾乾淨。
出前一丁公仔面我突然好想食公仔面，決定叫一個試下，因為有咁靚既雞湯係到，呢間叫公仔面雖然唔算平，但佢好特別，有個tool幫你，廢事你d公仔面流走哂，真係好貼心。
送的安格斯牛肉(小)+極級封門柳(大) $288有promotion做緊食滿$500就送一份小的安格斯牛肉，但其實粗略估計都有10幾塊，肉質係靚料，但佢只係牛肉menu入面最平果款，搞到我同朋友都想試埋其他。後尾我地就決定叫埋極級封門柳黎試下，我同朋友本身對牛既研究都唔多，只係知好唔好食哈哈，大份量果然係好多塊，睇牛既色度，肉既比例幾多，脂肪比例較小，但紋路幾靚，肉質都好正，真係好好味。我朋友仲話兒家promotion，比200幾食到兩款牛，其實真係好滿足。
甜品 Jelly+糖不甩打完邊爐先知原來兒家新開張like埋Facebook，會送甜品，Jelly其實同屋企整既差唔多，加埋花奶真係好正！而糖不甩係有小小驚喜，佢黎果陣係兩條魚，我地要放落鍋再煮，熟左之後就放入糖到剪。
總括而言，呢間餐廳食物質素幾高，用既食材材料都係靚料，服務態度個人覺得真係幾好，店員仲keep住幫我地隔油，好多細微動作都感覺到佢地誠意對待，值得再返黎食，不過會suggest多D人黎食會抵D，好過我地兩個人食，叫唔到太多款！
Post
