十下火鍋

天氣真係好熱，但都無損打邊爐嘅興致😆 搵到依間裝修幾得意，帶老式香港懷舊感覺，見到海報中連碗碗碟碟都係舊式香港設計，剩係相機食先都夠正📸去到見到地方都幾闊落，枱同枱之間夠哂位，坐得舒服唔會逼，有空間感。一坐底店員就送上醬料盤，整齊地擺哂一碗碗唔同嘅醬料配料，有我至愛嘅沙茶醬😋 店員推介兩款二人餐，但有啲唔太岩食，都係散叫比較好，最後叫左胡椒豬肚湯底，配細份手切本地牛肉，白鱔片，醬爆瀨尿牛丸，辣椒馬蹄牛筋滑，白蘿蔔片，再叫左一樽酸梅湯。胡椒豬肚湯胡椒份量岩岩好，湯底辣辣地幾好飲，豬肚有少少肥好嫩好爽口! 份量都好多，連埋酸菜食好正👍🏻細份手切本地牛肉份量睇落唔多，但食落其實兩個人岩岩好，牛肉新鮮夠嫩滑，滾耐左都唔會變鞋口，好重牛味～本地手切牛永遠都好食過雪藏肥牛😀白鱔片大大片好新鮮，食落有魚油甘香🤤 勁快清哂成碟～醬爆瀬尿牛丸無食神入面個粒甘爆炸性，但都爆汁，肉丸好彈牙，沾沙茶醬好食👍🏻辣椒馬蹄牛筋滑上面鋪滿蟹籽，店員幫我地壓平落個滑度就切開一舊舊去滾，但味道有點清淡，只食到辣椒味道白蘿蔔片係一開始時已放入豬肚湯，到最尾先食，吸收哂所有精華湯汁😆 蘿蔔入哂味唔老，超好食超正!!酸梅湯一樽