Glos Cafe by Fooody (Closed)

位於火炭嘅『伙食工業』，地方非常寬倘而且價格合理。加上有啲時候會有不同嘅Live Band 演出，係放鬆心情嘅好去處。

步入餐廳，彷彿時光倒流30年。各種充滿溫度的擺設和字句，猶如置身古早台灣。

宜蘭蔥肉餡餅

宜蘭蔥肉餡餅，皮同肉餡味道唔錯，不過溫度稍為唔夠熱。

台式香酥雞排飯

台灣菜又點少得鹽酥雞？呢度係雞排版本，炸得外脆內軟，雞肉亦醃得入味，係是晚最滿意嘅一道。

紅燒半筋半牛肉麵

牛筋牛肉麵係另一台灣名菜。呢度牛肉炆得夠腍，份量亦夠慷慨，可惜湯頭略淡，未能將牛肉味帶出。

台式魯肉飯套餐

魯肉飯配鹵水拼盤，魯肉充滿豬油香，配上白飯當然一絕。鹵水拼盤有雞翼，豬耳同海帶，味道正常。

新竹米線

後加嘅新竹米粉，炒得乾身足料。