皇后飯店

Open Now

Now Closed

機緣巧合食過幾次老牌西餐廳皇后飯店嘅午餐， 印象非常唔錯， 食物質素好之餘，環境亦都非常舒適。 今次食晚餐就再 評評他吧！柔和嘅燈飾係我對皇后飯店一個主要印象， 配合簡潔有格調嘅裝修氣氛唔錯。 晚餐亦都有 set dinner可以選擇, 有分開兩道菜及三道菜（包前菜）， 注重身型的我同老婆當然選擇三道菜啦， 哈哈。餐湯一個選了粟米忌廉，一個選了羅宋湯， 特別喜歡用料十足嘅羅宋湯， 酸甜度揉合得剛好。前菜分別選擇了 煙三文魚沙律及焗田螺黑松露薯蓉。 當中想大讚焗田螺 充斥濃厚香草香味， 爽口彈牙， 配搭焗得內裏 綿滑邊位非常香脆的薯蓉， 非常滿足嘅前菜。主菜則揀了紐西蘭牛柳拼鵝肝 及 脆皮香煎鐵板雞 配燒汁。 牛柳上枱一刻簡直震撼眼球， 不誇張 的有5 ～ 6cm厚， 外層 香口內裏依然保留肉汁 而嫩滑， 配搭甘香十足的軟滑鵝肝， 真係好好味！ 而鐵板雞應該有差唔多一隻雞的大小， 外層非常香脆， 但雞肉一點也不乾身， 雞油充足， 每一啖都食到雞肉嘅甜味。 以為我哋就這樣收手就錯了， 最後補上一個差不多已經絕跡的香蕉船， 兩球大雪糕配上微甜的忌廉和香滑清新的香蕉， 完美的收局。