昭和食堂

Open Now

Now Closed

這間居酒屋屹立灣仔已好幾年，單看門面裝潢已知是走懷舊日式居酒屋風格。甫進內，果然像極昭和年代的食肆般，店內佈滿舊式郵局門牌、和紙燈籠及懷舊海報，喜歡復古風的朋友應該會在這裡瘋狂拍照打卡。食物方面選了好幾款看來挺特別的，首先是前菜蕃茄三杯醋$58，蕃茄冰涷可口水嫩多汁，醋汁微酸，清新開胃。再來佐酒小食酒盜炒山藥$58，醃漬過的山藥口感出奇地爽脆，好特別。燒物方面點了串雞肉丸$32、雞橫隔膜$58、牛舌$58及白鱔$68，橫隔膜倒是第一次食，質地有點煙韌像豬大腸；至於我最喜歡的牛舌入口非常嫩滑，白鱔外皮烤得香脆魚肉彈牙。主菜點了清酒牛油焗青口$78、蟹膏甲羅燒$128及昭和海鮮卷$228，青口鮮甜，酒味不重但牛油味濃郁；甲羅燒味道濃郁，以薄脆放滿質感幼滑的蟹膏一齊食都幾夾；至於海鮮卷一定是打卡之選，壽司上滿滿甘香鮮甜的海膽及三文魚籽，內裡則是吞拿魚蓉及三文魚，而且師傅整得幾大件，女生很難一口放得下，不過確係好食。最後甜品是最中餅，不過選了辣味碎蔥吞拿魚$68，外層脆餅夾雜綿密的吞拿魚蓉，入口感覺反而不像甜品，但作餐後小食亦挺特別。