紅磡冰室 (Closed)

今日約左朋友去尖沙咀行街，行之前自己一個去紅磡冰室食左個常餐。餐廳裝修好新潮，唔係一般港式傳統冰室既格局，所以食物價錢自然都比普通冰室貴少少，但以尖沙咀黎講，價錢都尚算合理。食物方面，常餐有多士配炒蛋同瑞士雞翼撈面。多士有少少淋，但蒜容牛油好香。炒蛋就好滑好好食。至於主菜方面，雞翼好入味但得3隻唔夠！但個面就麻麻地，雖然煮得岩岩好唔會太淋，但係個瑞士汁太甜，味道有D奇怪。見到對面位叫豬排撈面好大塊，下次會試下！總結，以常餐黎講就唔係話好好食，價錢偏貴分量偏少，但環境舒適，經過可以試下少炒滑蛋同瑞士雞翼。