Video
Read full review
2019-10-11
192 views
呢一間位於元朗嘅老闆火鍋冰室裝修非常之獨特懷舊甚有五六十年代嘅特色鐵閘 瓦仔磁磚 霓虹光管每件裝飾都令人彷如返咗去蕭芳芳同呂奇嘅年代今次同父母一齊去幫襯年長一輩見到都非常懷念好似呢張80年代潮語卡相信年輕嘅一輩都應該未聽過（包括我自己）哈哈呢度嘅火鍋以海鮮為主打廚師會挑選最新鮮嘅海鮮先品嚐海鮮 然後再加入粥底最後品嚐最鮮甜嘅海鮮粥今次海鮮選擇有成十款之多其中肉蟹 象拔蚌仔 蟶子 刀貝都令人非常難忘肉蟹大大隻 肉質結實一梳梳嘅蟹肉無比鮮甜象拔蚌仔 鮮嫩蟶子又唔會韌刀背帶有海水嘅鹹味 最重要唔會食到成口沙每款嘅海鮮都非常之新鮮食完海鮮仲可以揀八款火鍋配料嚟打邊爐呢一款薑汁皮蛋貢丸真係第一次食帶有微微薑嘅辛辣又食到皮蛋嘅香 非常之特別美國雪花肥牛質素亦唔錯肥瘦平均 牛味亦尚算香濃呢一款蟹籽墨魚釀魚肚用料相當豐富墨魚夠曬彈牙魚肚又夠索汁另一樣非常有特色嘅火鍋配料就係鹹蛋豬肉丸豬肉丸裏面加入鹹香嘅鹹蛋黃食出一番風味喺打好邊爐之後再加入粥膽去烹調就成為一碗鮮甜味十足嘅海鮮粥啦呢一餐非常之滿足 大家捧住個肚走呢間冰室仲有好多款唔同嘅特色飲料好似呢一杯柑桔檸檬沙冰插滿咗柑桔 飲落酸酸的 非常開胃整體嚟
裝修非常之獨特懷舊
甚有五六十年代嘅特色
鐵閘 瓦仔磁磚 霓虹光管
每件裝飾都令人彷如返咗去蕭芳芳同呂奇嘅年代
今次同父母一齊去幫襯
年長一輩見到都非常懷念
好似呢張80年代潮語卡
相信年輕嘅一輩都應該未聽過（包括我自己）哈哈
呢度嘅火鍋以海鮮為主打
廚師會挑選最新鮮嘅海鮮
先品嚐海鮮 然後再加入粥底
最後品嚐最鮮甜嘅海鮮粥
今次海鮮選擇有成十款之多
其中肉蟹 象拔蚌仔 蟶子 刀貝都令人非常難忘
肉蟹大大隻 肉質結實
一梳梳嘅蟹肉無比鮮甜
象拔蚌仔 鮮嫩
蟶子又唔會韌
刀背帶有海水嘅鹹味 最重要唔會食到成口沙
每款嘅海鮮都非常之新鮮
食完海鮮
仲可以揀八款火鍋配料嚟打邊爐
呢一款薑汁皮蛋貢丸真係第一次食
帶有微微薑嘅辛辣
又食到皮蛋嘅香 非常之特別
美國雪花肥牛質素亦唔錯
肥瘦平均 牛味亦尚算香濃
呢一款蟹籽墨魚釀魚肚用料相當豐富
墨魚夠曬彈牙
魚肚又夠索汁
另一樣非常有特色嘅火鍋配料就係鹹蛋豬肉丸
豬肉丸裏面加入鹹香嘅鹹蛋黃
食出一番風味
喺打好邊爐之後再加入粥膽去烹調
就成為一碗鮮甜味十足嘅海鮮粥啦
呢一餐非常之滿足 大家捧住個肚走
呢間冰室仲有好多款唔同嘅特色飲料
好似呢一杯柑桔檸檬沙冰
插滿咗柑桔 飲落酸酸的 非常開胃
整體嚟講
呢一間粥底邊爐非常之抵食
配料新鮮 種類多 價錢又實惠
實在係值得推介
Post
