阿肥火鍋 (Closed)

早幾晚再次重臨阿肥火鍋，今次又有好嘢食，朋友預早訂定咗長腳蟹，澳洲龍蝦。真係估呢度唔到，以為隻長腳蟹攞嚟打邊爐，點知呢度個經理介紹隻長蟹可以做3種食法，花雕蛋白蒸， 椒鹽炒，炒飯，咁就大膽試試啦，真係好食過好多地方。直得一讚！！！試咗個新湯底，好特別嘅冬瓜膏蟹烏雞湯底，出面未試過。正正正！！小食就試咗炸BB乳鴿，我自己最鍾意食嘅沙薑雞腳，炸大腸火鍋料都多咗好多選擇，真心推介墨汁腸，本地手切牛（上次覺得好一般，今次好得），松露蝦餃，黃沙豬潤，手打牛滑，䈑筍絲。我哋10條友，食咗成三四個鐘，又飲又食，每人用咗唔洗$500，覺得超底食。