荔香園冰室 (Closed)

女人街一向餐廳選擇都好多，最近行過見到有間裝修佈置好懷舊嘅冰室。食物賣相唔錯，而且性價比都好高。🥢咖喱吉列牛扒飯 $62港式咖喱椰香濃郁，味道層次豐富，辣度偏低。吉列牛扒size大得誇張，炸得香脆而且肉味濃郁。出奇地比起平時食嘅吉列和牛更好味😆。冇和牛咁油仲比較易咬。🥢鮮茄芝士焗豬扒飯 $58番茄份量較少，反而勁多焗得金黃嘅芝士🧀。鹹香濃郁，又有拉絲效果。豬扒大塊而且軟腍易咬。仲有酸甜開胃嘅菠蘿粒。