荔香園冰室 (Closed)

今日去左旺角買電話殻，買完之後好肚餓，就想搵間餐廳食個tea。經過一間懷舊既餐廳，入面裝修充滿舊式香港味道，懷舊擺設。餐牌食物都係懷舊港式食物。下午茶唔想食太飽，我就叫左一個瑞士汁巨脾撈丁。巨型雞脾好大隻好吸引，滷得好入味好濃香，雞肉變哂啡色。瑞士汁好咸香好重口味！麵質彈牙唔乾身，撈埋瑞士汁味道非常好滋味。巨型雞脾肉質爽口結實，唔會好乾身，結實有咬口。我叫左一杯熱阿華田，食完麵就飲埋華田，非常滿足啊。