光榮冰室 (厚福街) (Closed)

今日要去尖沙咀開工，食飯時間真係人多到呢，好在我地食飯時間冇乜限時，最後同2個同事去左厚福街呢間裝修懷舊d既冰室食lunch。選舉困難症最簡單都係叫快餐食。是日快餐都有5款選擇，$45，送咖啡或茶，重點係凍飲免費唔使加錢，只係如果叫特飲就要加$8。三個人一人叫一款，窩蛋免治牛肉飯，茄汁炒蛋叉燒飯，椒鹽豬扒餐。話明快餐，緊係好快有得食啦！碟碟都份量足，椒鹽豬扒好香口，個蛋叉燒飯，個蛋係滑蛋，正，最唔鐘意d蛋炒到全熟，試左2啖同事個免治牛，都好好味！下次要係尖沙咀做野，可以再黎