萬芳冰室 (建德街) (Moved) New Location

既然揸車入元朗覓食，就決定黎試試久抑大名的萬芳冰室，打著懷舊冰室的賣點，新潮的粉藍色外牆與內裏舊冰室的格局形成強烈對比。由於冰室人多座位有限，所以侍應都安排我地搭枱，要讚下侍應姐姐反應快又有效率，入單迅速👍👍其實冰室的食物選擇五花八門，想食咩都盡量可以滿足到😎沙丹豬扒飯其實只係豬扒，火腿加半熟蛋配醬汁,再把蛋打爛混進飯裏再送入口，仿如一切都變得合理，美味。其實簡單的食物只要花心思都可以變成冰室獨有的特色菜。手撕清遠雞湯米雞肉略嫌'鞋'了點，不夠嫩滑，再配埋爽口的芽菜，一口湯一口米，清清地幾開胃。簡單滿足的午餐，下次會再黎幫襯試下炸雞脾！哈哈！