必試農夫包 ，有咖哩同茄汁味任揀，大大個，最岩聚會食，好快掃清! 個人中食少少辣，所以呢個咖哩味岩晒! 牛腩足料~入口軟滑易咬，加上香脆麵包~惹味而不油膩，必食呀 !
P.S原來仲有每日限量，想試記住早d嗌呢~
茄子牛仔骨!呢個配搭未食過，原來咁好食，平日屋企都可以煮! 茄子軟綿綿非常入味，牛仔骨切得剛剛好，一口一塊，唔韌好好味!
炒米食過唔少餐廳既都好易炒到又油膩又咸餸又少，不過呢度冇呢個問題，好快又比大家掃晒w
菠蘿雪山， 多到滿瀉哈哈~好多新鮮菠蘿，唔係罐頭，雪糕又香，唔會過甜，岩我口味w
例湯都好足料架，最怕味精湯，不過呢度唔會太咸，飲完冇口乾，仲係我至like既粉葛湯 ~good
另外仲叫左雞翼,奄列,多士,公司三文治~ 好食過D連鎖店~份量足ww
值得一提係呢到既懷舊裝修，仲有洗手盆上既燈泡鏡，自拍自動有美肌加超美白效果! 同朋友忍唔住影左幾張哈哈！
