Video
Read full review
2019-06-29
2857 views
通常星期六，日放假的話，都會出遠D搵下好野食。如果訓晏左，又或者太累唔想出去，好自然落樓下食野，可惜樓下無野好食，有次誤打誤撞，路過呢度之後，幾乎每次放假唔想出街就會落黎食個午餐。其實屋企行過黎都要半個鐘，呢度係隱世村落--茶果嶺村，呢度勝在有人情味，主要做街坊，所以價錢都係平民價。由落單，煮麵，上菜，收錢，老闆都係一腳踢。鋪仔 細細，好多時都爆滿，有幾次試過落到黎無開，心情好sad😔每次都係食肉丁餐肉米，回鍋肉蛋麵，西多（即叫即炸，加煉奶的），熱奶茶（茶香奶滑），仲有懷舊大可樂，食咁多野都只係$70，而家邊度仲有咁抵既價錢。因為食多左，老闆得閒又會同我地傾下計，傾多幾次，就變左熟客仔，感覺好舒服，好開心。因為係普通食物 所以無特別影相。
其實屋企行過黎都要半個鐘，呢度係隱世村落--茶果嶺村，呢度勝在有人情味，主要做街坊，所以價錢都係平民價。由落單，煮麵，上菜，收錢，老闆都係一腳踢。鋪仔 細細，好多時都爆滿，有幾次試過落到黎無開，心情好sad😔
每次都係食肉丁餐肉米，回鍋肉蛋麵，西多（即叫即炸，加煉奶的），熱奶茶（茶香奶滑），仲有懷舊大可樂，食咁多野都只係$70，而家邊度仲有咁抵既價錢。
因為食多左，老闆得閒又會同我地傾下計，傾多幾次，就變左熟客仔，感覺好舒服，好開心。
因為係普通食物 所以無特別影相。
Post