萬芳冰室 (Closed)

難得到屯門行街，行到咁上下好攰，就去附近的餐廳坐低飲杯嘢、食個下午茶。喺附近商場有一間萬芳冰室，一直好想試吓佢啲懷舊飲品同埋感受下環境，今次終於有機會了。餐廳裝修古色古香，好有九十年代的冰室感覺，還有卡位和圓枱位置選擇。適逢今天好天氣、又有太陽，我哋就靠近窗邊坐卡位位置，餐牌在枱面可以一目了然，最後我們一人點了一份下午茶。生炸超級大雞髀好吸引，簡直有個手板咁大隻，已經聞到好香嘅炸雞味道忍唔住要食，一刀切落去肉汁滲透晒出來，食落去雞肉肉質鮮嫩無比，好鬼滋味！必定要飲番杯鎮店之寶、新鮮即日煲的菊花茶下一下火，飲落去有一點回甘味道，果然足料。朋友就叫了三寶撈丁，當中有咖喱、蘿蔔、豬皮同埋魚蛋，非常豐富。紅豆冰也是很多客人會點的飲品之一。$100有找已經享用非常飽肚、豐富的下午茶，超值！