荔香園冰室 (Closed)

用懷舊裝飾，配上八90年代流行歌曲，彷彿回到過去美好的光景。平時嘅冰室，感覺好麻甩佬，呢個有特色裝修嘅冰室，打卡一流！啱晒我呢啲港女🤣最重要係地方乾淨，企理！-晚餐嘅選擇都幾多，分別揀咗一個咖喱雞煲，同埋沙嗲粉絲肥牛煲。-咖喱雞煲嘅精髓係薯仔，薯仔好林，非常之入味。雞嘅份量都好多！-平時食小菜一定要叫嘅沙嗲肥牛粉絲煲，叫咗佢之後飯都食幾碗！最適合撈飯。-環境又舒適，價錢適中，喺旺角晚飯可以諗諗！