文華咖啡冰廳 (Closed)

突然想食冰室 原來紅磡都有幾間 有新派又有開業多年的舊冰室 今次揀左文華冰廳 裝修比較舊 希望能吃到舊有冰室既感覺男朋友叫了三絲炒意粉配凍奶茶，三絲是雞絲叉燒絲火腿絲，這三絲都好味，整碟色水夠但過咸了，銀芽炒得未夠熟，有草青味。奶茶奶味重一點，夠滑，幾好！ 之後仲叫左炸脾，皮不脆，唔夠香口，都細隻（$19），失望。而我叫了歐陸常餐，吉列斑塊炒蛋加薯餅配油占多加五香肉丁麵（好豐富，因為有男朋友幫手食），斑塊很滑但炸得唔靚，爛晒咁，不過有沙律醬點黎食，已經唔理個樣炸成點。炒蛋變煎蛋， 不過算啦，夾埋油占多一齊食，好好味呀，薯餅就唔洗講啦，現成既薯餅，加茄汁就已經好味。肉丁麵就真係失望，本人超級喜歡食肉丁，但第一次食到個肉丁d味咁怪，好似南乳味，可能罐頭牌子不同，但真係唔好味，個麵湯底本身無乜味，本應靠肉丁幫補下味道，可惜肉丁味太怪，連碗麵都怪了 呢一餐$100 每人$50 食到好飽！