潮滙館 (Closed)

最愛嘅開場白～終於又到期待已久嘅happy friday la! 今日約咗我嘅搵食兵團1號到荔枝角搵食，開餐前我哋去咗香工行左個白鴿轉，因為我哋兩個以前喺呢頭返過工,所以特別懷念呢一個批發中心嘅衫，不過今次返來遊玩一圈後發現，呢度既衫嘅質素真係大不如前，我地咩收獲都無就去左搵食。來到舊地， 當然係搵我哋最愛嘅餐廳，就係頂頂大名嘅潮滙館，哈哈，我講既。以前係附近返工時，最鍾意lunch 時，同一大班同事來到呢間餐廳，一人一餸開大餐，大快朵頤呀！今晚得2個人既關係，我地只係order 左三樣餸加一碗白粥。首先介紹返係佢既碗前菜，傳統嘅潮州鹹酸菜配花生，酸菜酸甜味道適中，而且咬落十分爽脆，相當開胃。第一碟介紹嘅就係椒鹽九肚魚（$88）當我地落單後，廚房師傅係即時新鮮炸起，熱呼呼的，一件件金黃色嘅九肚魚，唔單止外皮卜卜脆，唔厚粉外，裏面嘅魚肉更滑而多汁，令人食唔停口。第二碟就叫左滷水鵝拼盤（$138）包括有鵝片、鵝掌、紅腸、豆腐、蛋。d配搭樣樣都係我最愛呀⋯⋯鍾意嘅原因係佢d食物滷得好入味,鵝肉一啲都唔肥、肉質柔、嫩、滑，一個字，正！第三樣叫左金銀蛋上湯浸時菜（$78）d白菜仔吸收哂d上湯既精