樓下冰室

Open Now

Now Closed

荃灣好多嘢食，但係今日心思思，好想食下冰室，心目中有幾間冰室想食，但係到最後都係決定食樓下冰室，一來抵食夾大件，二來佢嘅懷舊風繼續一樣吸引到我。外面望入去真係好似八九十年代嘅冰室。雖然裝修風格比較懷舊，但係食物嘅種類都好多，除咗傳統嘅冰室食物外，仲有一啲比較適合現代人食嘅快餐。叫咗個台式滷肉雞扒飯，分量多不在話下，味道濃郁，台式肉醬香味濃，雞扒煎得好香脆，配合埋肉鬆一齊食，可口。另外叫咗個番茄湯上海麵，配牛肉同埋一隻瑞士汁雞髀，蕃茄濃湯超多蕃茄肉，牛肉偏淋，滑板超滑溜。瑞士汁雞髀個瑞士汁香甜，唔似得出邊嗰啲汁好鹹，雞髀肉鮮嫩多汁。