係附近見到有家生意幾旺，不斷有食客進出嘅上海菜館，
嘩，原來呢家「上海榮華川菜館」係始於1975年，唔怪得裝潢咁懷舊啦！
仲要曾經兩度入選米芝蓮指南優質推介食府，
就儘管試下啦！😏
我地叫左個二人套餐（$206），
包一款湯、兩款小菜、兩客白飯、兩盅八寶茶，都算經濟實惠。
酸辣湯
配料十足，有豆腐、筍絲、雲耳等，
微酸少辣，幾惹味！
溜肥腸
肥腸好入味，入口焦脆，口感軟嫩 ，
配上尖椒一起炒，微辣惹味！
回鍋肉
連皮嘅五花腩經過徹底油爆之後，
食落唔會太油膩，
送飯一流！👍🏻
擔擔麵
用左自家製嘅花生醬、麻醬和醋，酸香味美～
最後來一杯用料十足嘅八寶茶，
有菊花、杞子、蓮子芯、果皮、胖大海、龍眼肉，
味道清甜可口。
