公車泰國餐廳

Open Now

Now Closed

近排天氣咁熱，真係好回味喺泰國食嘢嘅日子，今日去食返一啲酸酸辣辣嘅泰國菜先！西菁街公車泰國菜，價錢便宜，下午茶絕大部份都唔超過$50，非常抵食！泰式海南雞飯啖啖肉嘅去骨黃油雞，加上黃薑飯，配上自家特制酸辣嘅泰式海南雞汁，越食越開胃！豬雞串燒，沙嗲汁非常香濃，燒得焦香，仲有粒粒花生香！加多個蒜蓉包，配埋啲沙嗲汁真係夠晒正呀！原支泰國梳打，加上一大個青檸，夏日炎炎簡直透心涼😋。馬拉盞炒椰菜，味道香濃，即叫即炒夠曬鑊氣！餐廳環境闊落，日日都有特價菜色，真係非常抵食，難怪下午茶都幾乎全場爆滿！