味道樂居酒屋 (河內道) (Closed)

因為一啲特別日子，就搵咗一間比較靚小小嘅餐廳慶祝，見到網上評價唔錯，於是就想過嚟試吓。餐廳走日式居酒屋路線，裝潢十分有氣氛，好似有種去咗日本嘅錯覺，令人好懷念日本既旅行！我哋一坐下就被黑板上面嘅是日海鮮吸引了，見到牛油燒聖子，喜歡食海鮮嘅我當然要試吓啦～呢碟真係全晚最好食既一碟！除咗本身自己都鍾意食海鮮，亦都因為呢度嘅聖子好新鮮，洗得乾淨冇沙，重點係個調味我覺得好正，火候適中，聖子係啱啱熟，保留左海鮮應有嘅鮮味～呢度嘅串燒同埋芝麻雞翼都相當唔錯，同朋友黎食時加杯酒，真的很減壓啊！日本餐廳必食的仲有魚生，不過我地只點了三文魚和吞拿魚，質素對得起價錢，入口油香融化的感覺好正啊～牛肉壽喜燒是相對性價比較高的，可以食飽啲，不過牛肉稍嫌不夠入味，如果用再薄身的牛肉吸到準就更好了～另外還叫了一個軟殼蟹反卷，味道也不錯～整體而言，呢間餐廳好得我歡心，會再同朋友黎食下串燒飲下酒，短暫逃離一下香港既忙碌。