自家燒吧 (Closed)

今日去官塘工廠區shopping，見到燒烤放題，好像幾得意，價錢又唔貴，就決定入去試下👍😁去到好好彩，有人取消咗訂位，所以先有位，大家想去食，最好訂定位，因為都幾full串燒嘅選擇都幾多，佢一早串好晒，拎就得，好方便，食客都好有規矩，唔會拎到亂糟糟👍啲嘢都添得好密，豬牛羊雞都有拎完嘢食就可以返去自己個位都燒，只要將食物卡好，佢就會自己轉，燒嘅時候可以加醬，等到佢熟就可以點味粉食😁想要幾重口咩完全係自己嘅掌握之中我特別推介係燒棉花糖，平時出去燒嘢食，啲棉花糖好容易燒到過晒火或者唔夠脆，但因為佢不停轉，好容易燒到啲棉花糖外脆內軟，入口即溶除咗串燒，餐廳仲有前菜同埋熱食放題，味道都唔錯甜品仲有好耐冇食過嘅牛奶樂😋😋細個啲回憶返晒黎🤭