見到三哥同陳敏之係果到樓下拍戲。陳敏之真人都幾高下，見到佢係到化妝
，反而三哥睇落原來都幾瘦！電視見到佢好大隻咁～真人原來望落係鋼條型。未食野之前先睇到演員！！應該拍緊警察片吧。
Parma Ham羅馬生菜配水牛芝士！ 女朋友鍾意食呢種Parma Ham，唔知係點整。食左一塊係幾香口，但唔係我既口味囉。 羅馬生菜 火箭菜配水牛芝士 我鍾意點少少黑醋！ 味道ok的！ 唔會話非常好食囉！正正常常開胃。
意大利飯，平時食西餐。我都會食意大利飯。睇個廚師既料子。除左牛扒之外，呢個意大利飯真係要讚下。一開始見到個意大利飯都幾多汁，心諗個飯應該好軟吧。今次真係奶野啦！！食落個飯硬度適中。帶子甜！但我嚴d汁多左d姐！！
豬架：燒得ok！但我只係試左一舊， 對豬肉不嬲無乜興趣。
肉眼扒：塊扒好大舊，燒到外脆內嫩。 呢個係我唯一最讚好既一道菜吧！ 外面食落係香口，但入面d肉都係嫩（原諒我詞窮）:)，應該用大火燒！ 唔知係咪！！
雜菜湯，菜多，飲完唔口喝。 問佢有無其他湯選擇，服務員話推介雜菜湯。好！就試下！但重點係無答到我既問題。
食物質素10分有7.5分！！ 計埋個環境就有8/10分。 景觀算開揚。望到megabox 。服務方面扣返0.5分。 最後都係7.5分。
價錢仲可以接受～！ 再貴d就唔會選擇呢間。 但以九龍灣黎講，應該算係優質的。 下次應該會同屋企人黎食！
