呢度環境都幾好，而且都幾闊落，唔會怕講嘢身邊嘅人聽得到。
唔緊嘢食嘅時候發現原來而家做緊優惠， $800就可以減$300 ，超級抵呀咁一定叫夠$800啦。
我叫咗一個餐有係茶碗蒸嘅Lunch Deluxe，
原來個飯有成10種刺身，店員唔講我都唔知，啲海膽超靚，入口勁甜唔會好腥，拖羅都好好食，入口即溶！
朋友就叫咗刺身set，擺盤好靚呀，我哋兩個嘅刺身有啲唔同，所以我哋都share左食，佢嘅魷魚爽口彈牙，好新鮮。
差啲唔記得講下餐前小食，係好好味嘅茄子，入口即溶，同埋啲汁唔會太鹹，好啱我哋口味。
最後仲有甜品添，呢間咖啡或者甜品，咁一定係揀甜品啦。係抹茶雪糕餅，抹茶味好濃！為今次嘅午餐畫上完美嘅句號啊。
