Video
Read full review
2016-04-01
372 views
大家係約朋友食飯嘅時候，都會煩惱食咩菜，一啲朋友唔食得辣，有啲唔識得魚生，我就係其中一個，之前要陪朋友食放題，因為食刺身所以選擇唔多，仲要比成二三百蚊，真係幾蝕底。如果大家有同樣問題，今日就介紹一間日式泰菜仲有火鍋，可以解決到你嘅問題！我哋嚟到佐敦，距離地鐵站A出口好近，向右直行，見卓悦再右轉入大廈就到，搭升降機到餐廳，玄關位嘅店員就幫忙安排入座，好彩有事先訂坐，坐坐下夜晚都幾full～餐廳處於7樓，坐位一邊近窗口，可以望到佐敦道，感覺開陽。餐廳特別有三間VIP房，由6位至20位都可以，方便開party或大型聚會，餐廳總共有200幾個座位，仲有好多卡位，坐得好舒服。餐枱上仲配有青魚汁、天婦羅汁、泰式燒汁、酸辣汁及泰式生蝦醬，就想像到一陣間有咩好嘢食啦！總共有9張點菜紙，有各種刺身、泰國菜式、軍艦壽司、日式小食等，選擇多都一摞摞，可以滿足各人嘅需要，但要適量點餐，千祈唔好浪費食物喔！我book咗6點鐘，食客未算好多，原來最早嘅入咗時段係五點至六點半，先點一份雞軟骨，慢慢揀嘢食，炸雞軟骨脆得嚟唔油膩，及送上檸檬角，增加清新感，真係想點多碟。長腳蟹以為得知酒店自助餐先有？nonono 呢到都
我哋嚟到佐敦，距離地鐵站A出口好近，向右直行，見卓悦再右轉入大廈就到，搭升降機到餐廳，玄關位嘅店員就幫忙安排入座，好彩有事先訂坐，坐坐下夜晚都幾full～餐廳處於7樓，坐位一邊近窗口，可以望到佐敦道，感覺開陽。
餐廳特別有三間VIP房，由6位至20位都可以，方便開party或大型聚會，餐廳總共有200幾個座位，仲有好多卡位，坐得好舒服。餐枱上仲配有青魚汁、天婦羅汁、泰式燒汁、酸辣汁及泰式生蝦醬，就想像到一陣間有咩好嘢食啦！
總共有9張點菜紙，有各種刺身、泰國菜式、軍艦壽司、日式小食等，選擇多都一摞摞，可以滿足各人嘅需要，但要適量點餐，千祈唔好浪費食物喔！
我book咗6點鐘，食客未算好多，原來最早嘅入咗時段係五點至六點半，先點一份雞軟骨，慢慢揀嘢食，炸雞軟骨脆得嚟唔油膩，及送上檸檬角，增加清新感，真係想點多碟。
雞軟骨
14 views
0 likes
0 comments
怕熱氣就有冬瓜茶，都唔錯，飲品方面除咗汽水，有三款啤酒，韓國特色飲品忌廉溝鮮奶，啱小朋友飲嘅蘋果汁等，做到老少咸宜！另外一邊仲有熱湯、水蟹粥、一啲熱盤小食！
之後一路食泰國小食，按二人份量都幾適合，先有泰式豬頸肉，切到薄片唔油膩，加啲醬汁就跟濃味，都係我必點嘅菜式，仲有生菜包泰式肉碎，生菜新鮮乾淨清潔過，肉碎帶點香茅味道，都幾突出，我鐘意再加啲辣椒醬，更加惹味！
泰式肉碎生菜包
6 views
0 likes
0 comments
就試試店家嘅創意壽司，三文魚芒果花卷手工一啲都唔敷衍，芒果味道融入三文魚味道唔錯，海膽三色花之戀，就有吞拿魚三文魚及海膽，味道層次豐富！整到細細粒咁唔會太飽。
我都幾鍾意食壽司，之前未開始食刺身，都會選擇火炙壽司，經火熗快燒過嘅和牛，帶出多點有啲香味，醬漬三文魚可見非常肥美，做到入口即溶，如果加點蔥花係上面，可以多分清新感覺又解膩，令口腔滿載各種美味！
醬漬三文魚壽司
21 views
0 likes
0 comments
蒜蓉帆立貝
17 views
0 likes
0 comments
沙爹串燒食泰國嘢又點可以冇串燒，就點咗雞肉同豬肉串，廚師將串燒整到細細串幾可愛，大約有兩啖就食晒， 沙嗲汁滲入雞肉裏，食起上黎仲好嫩滑唔乾身面，味道香濃帶點惹味。
到食刺身時間，最可惜兩個人食得唔係好多，做唔到豐富嘅畫面，見到隔離枱有刺身船，種類都唔少，三文魚肥美新鮮，帆立貝有天然嘅甜味，魷魚又爽口，泰式生蝦就比較薄身，唔夠肥大。
好彩最後有嗌到軟殼蟹手卷！雖然製作要等一段時間先到，但拎上手仲帶點暖，壽司飯唔會整到紫菜好淋，感覺上都好新鮮，即叫即做，有滿滿嘅魚子放面，再加沙律醬調味，下層就係主角軟殼蟹，口感鬆脆，蟹身肉質非常仲有啲膏，體積都幾足夠一份手卷，真係勁回味！
軟殼蟹手卷
3 views
0 likes
0 comments
整體都冇漏單嘅情況，店員手腳好快，幫我地清理枱面，又唔會令食客感覺急速，特別有位女侍應都好親切，見淨哂少少，會問下我地食晒未先收碟，而且兩個半鐘時間足夠，我哋慢慢食，大約兩個鐘就食飽走lu~ 食物方面選擇豐富，真係幾難忘，可惜無食到火鍋，應該下次有機會再食過！
最後一定要食雪糕啦！迎合多位食客口味，餐廳就有6個選擇，分別係薄荷朱古力、芒果、荔枝等，仲有一啲杯裝甜品，款式好多，仲有呢個炸香芋球，新鮮熱辣送上，芋頭餡料還很流心，非常燙口，調味不太甜，令人想再食多粒！
平均消費$229/位，任飲任食兩個半鐘，包括一服務費日泰郎放題料理 Thai Buffet
星期一至日: 12:00-23:30
佐敦白加士街66號新寶廣場7樓全層
*佐敦Exit A，向右直行，見卓悦再右轉入大廈
Tel: 2788 4333
Post
