HK Food 1980 (Closed)

今日星期日，諗住一個人經開女人街早早地食埋晚飯先，見到呢間好似玩懷舊風嘅茶記，記入去試一試，6點幾我係全場第一個客，望下餐牌，選擇都算多，咁我點咗芝士雞煲，上湯生菜同一罐啤酒。

咁第一樣嚟到嘅係碟生菜，味精水浸菜，完全唔得(叫晚餐加錢嘅菜，算)
第二樣嚟嘅係主菜，芝士雞煲，先試個雞，有啲咸，再試個芝士汁，一啲都唔似芝士，只係頂頂加咗一片熱溶咗嘅芝士，同埋明顯係翻熱野嚟，最慘食第一啖飯，碗飯凍嘅，加埋啲唔知係咩嘅芝士汁撈埋叫有啲暖囉....
最後嚟嘅係啤酒，啤酒唔凍嘅，餐牌無寫，我自己無問係衰，但收我$25，比細罐裝我，會唔會貴咗少少...

到最後成餐飯，其實我唔知自己食緊咩.....
真心，唔會番轉頭再試...

收$25嘅唔凍細罐裝啤酒

店內嘅懷舊擺設

加埋一碗凍嘅飯同味精水浸菜

$68