係香港仔附近做完野，想簡簡單單食D野，冰室係個好選擇。今次第一次食龍門冰室，一人一個餐都真係飽到上心口。Menu非常有份量，選擇應有盡有：常餐、全日餐、扒餐、玉子燒、小食等等。
環境同座位都設計得比較寬敞舒適。檯凳同地面都夠乾淨。
個雞扒餐一上都差D嚇親，大份到呢～個人覺得D香腸唔會輸比出面D德國餐廳，鮮嫩多汁。雞扒都幾嫩口。
玉子燒入面D吞拿魚非常多，炸蝦都唔錯。撈麵乾身同淡口D，不過正正如是，食咁多吞拿魚都未算太膩。
蜜糖雞翼外焦內嫩，甜甜脆脆，真係停唔到口。飽到上心口先200+，真超抵之選！
