倫哥尚品火鍋私房菜 (Closed)

如果一生人只可負評一次，都要負評呢間。明知間房冷氣有問題，仲同客人講冷氣已開大，會慢慢涼，最後當然係淒涼。黎埋個火鍋熱到40度咁，食左兩舊唔對路，再按十次鐘，終於有個伙計過黎解釋，串串貢話“冷氣有問題，仲有四個爐開住。推個雪櫃比你都死！”。隔離房有枱，又唔肯調。去到出大廳同個高級的，理論一大輪，講一大輪廢話，先至話調枱，再送上什麼本店最出名甜品 ， 夠經典係仲好意思派片叫我們再來，慳啲啦×10（一行10人），咁嘅服務態度同處事方式。你鋪紅地毯歡迎我都唔會再黎啦。