Video
Read full review
2007-04-22
11 views
一行5 人happy Friday 的開飯局。7 點幾入座…餐廳70% 滿啦！因上次已食過，職員已認得我喇！-_-5 人柴娃娃七嘴八舌~ 職員熱情款待張羅一番。職員體貼，很細心觀察…知道我們為點菜惆悵~ 即很醒目拎另一個六人份的餐牌給我們。無奈我們仍吱吱喳喳自顧討論，因為我們怕六人份量會食剩囉！咦…突然職員又像阿拉丁神燈的燈神咁出現俾我們一個四人份的menu ~ 要咩冇咩！商議後我們即扑鎚。因為唔夠可再散叫嘛！四人套餐大約內容：(共$350)是日餐湯四杯飲品飲品:果汁/白酒/餐茶(我們一個果汁兩個白酒一個印度奶茶)小食:咖喱角小菜：鐵板雜錦燒烤(包括魚、羊、雞)咖喱:自選三款~海鮮、羊、雞(海鮮=魷魚)飯或烤餅(我們三個烤餅搭一個飯~烤餅可於menu自選: 我們要羊肉烤餅、新德里烤餅同蒜蓉烤餅)餐後甜品:雪糕後來我們再另叫一杯果汁、一個普通烤餅同一個白色炸鬆餅…(因為我們五個人得四個飲品，冇理由叫第五個齋睇我們飲架嘛！至於嗰兩個之後點的烤餅係因為未夠飽同仲有汁剩)餐湯不但重香料味，亦都很鹹。(到收碟時我都忍唔住同個侍應講個湯鹹~ 因為佢另附上一個像食蛇羹一樣的薄脆伴湯享用。但無奈同時個
5 人柴娃娃七嘴八舌~ 職員熱情款待張羅一番。職員體貼，很細心觀察…知道我們為點菜惆悵~ 即很醒目拎另一個六人份的餐牌給我們。無奈我們仍吱吱喳喳自顧討論，因為我們怕六人份量會食剩囉！咦…突然職員又像阿拉丁神燈的燈神咁出現俾我們一個四人份的menu ~ 要咩冇咩！商議後我們即扑鎚。因為唔夠可再散叫嘛！
四人套餐大約內容：(共$350)
是日餐湯
四杯飲品飲品:果汁/白酒/餐茶(我們一個果汁兩個白酒一個印度奶茶)
小食:咖喱角
小菜：鐵板雜錦燒烤(包括魚、羊、雞)
咖喱:自選三款~海鮮、羊、雞(海鮮=魷魚)
飯或烤餅(我們三個烤餅搭一個飯~烤餅可於menu自選: 我們要羊肉烤餅、新德里烤餅同蒜蓉烤餅)
餐後甜品:雪糕
後來我們再另叫一杯果汁、一個普通烤餅同一個白色炸鬆餅…(因為我們五個人得四個飲品，冇理由叫第五個齋睇我們飲架嘛！至於嗰兩個之後點的烤餅係因為未夠飽同仲有汁剩)
餐湯不但重香料味，亦都很鹹。(到收碟時我都忍唔住同個侍應講個湯鹹~ 因為佢另附上一個像食蛇羹一樣的薄脆伴湯享用。但無奈同時個薄脆因製作過程中亦落入香料搓成，所以鹹配鹹真係鹹上加鹹！薄脆其實唔差的，很脆架！湯都唔差架！有豆香同香料味~ 但無奈兩者真係鹹得緊要，結果兩者我都食剩三份二。
雜錦燒烤超靚！內裡的魚很好…平日一向唔食熟魚的我都忍唔住再添食。當中仲有羊架…嘩~ d 肉汁好正架！黐住骨嗰部份的肉係勁嫰囉！係唯獨是預咗雞係雪藏的雞胸肉~ 係呢個較為遜色。
咖厘角很脆。內有薯蓉、豆類等…但當中在座有位擅於煮食的高手喺度~ 佢就覺得個皮厚咗 d！如果係佢，佢話佢會用春卷皮。而我就覺得呢…一來佢傳統菜式，二來我覺得盲目crossover 為咗迎合香港人的口感又會冇咗傳統的特色了。兩者要取得平衡並不容易呢！^^
咖喱中，最值得激讚亦都係羊。在座的有三位係唔食羊…最驚訝嘅係喺刀叉混亂中，嗰三位唔食羊的都叉咗羊肉食埋落肚都唔知道。佢三個話唔覺羶喎！仲覺得似食牛腩feel 添！救命>.<""" 因為炆得很稔同入味~ 而我的感覺同上次食時一樣：愛羶的我嫌唔夠羶！hehe
至於附上的飯唔係白飯。而係印度炒飯(用於沾汁伴飯) ~ 炒得不但乾身，而且粒粒皆分明並不油膩，在座個個都讚。至於烤餅中，值得提的係羊肉烤餅，其他人不但話好羶，連我都覺得非常羶。其次蒜蓉味就不覺啦！
而另叫的白色炸鬆餅係好得意。像飲酥皮湯的半球狀拱起…當壓平後，同之前叫的烤餅唔同之處係除咗口感薄身d，其次就係煙韌d…彈性有點似包北京填鴨的粉皮。
至於佢個飯後甜品芒果雪糕竟然令我們非常深刻。因為絕對唔係出面食的人造顏色、虛假味道的芒果雪糕~ 我第一個感覺似係呂宋芒的香味！顏色就淡青黃色...雖然雪糕裡冇果肉，但我都唔期望要有。因為芒果會出水呀！而且巿面上買的芒果雪糕話就話有果肉，但假在抽乾晒d 水份唔覺似食芒果。所以今次的雪糕好在沒有"冇嗰樣整嗰樣"的感覺…
白酒味道較清，酒精佔得唔重。飲嗰兩個話比佢預期中好~ 而芒果汁同芒果奶昔分別就係後者濃味好多，前者好飲d 囉！我嗰杯印度奶茶會啱我，因有奶味同唔太甜…印象中的港式奶茶就偏向重濃茶味咁啦！
食後感：五人同樣一致認為服務好得不能再找到什麼挑剔。全程飯真係似mark 左個侍應貼身滿足我們的要求…最難得四人套餐的甜品只得四個雪糕，佢都送埋第五個俾我囉！仲話special for u…待客很有誠意啦！最後仲送埋張九折咭~ 重慶的咖喱皇都適用呢！本來今餐飯都有vip 咭用，但今日大千金冇出席，不然佢會借到返嚟用啦！
至於我同三千金都很捧場。至少三千金成個口已經生咗十幾粒痱子食緊e 生俾的消炎藥都仍食得津津有味邊讚好味囉！而我食完就由一粒變三粒…慘！今餐不但抵，而且清晒冇食剩。飯後職員仲問有咩評價...我咪話excellent 囉！哈~
共420...(服務其實我可以俾滿分, 但做人要保持實力, 攞滿分會令人因沾沾自喜而自視過高囉！)
Post
