今日同一大班朋友專程嚟食飯慶祝生日 🎂，訂位時同餐廳講明係慶生，佢哋仲好貼心 💕，免費贈送咗一碟滷水鵝肝鵝腎！🦢✨
一入座，餐具同今日菜單已經整齊擺放好喺右手邊，安排妥當 🥢📜。特別值得一提，呢餐嘅菜單係根據我哋嘅喜好，由餐廳度身訂造設計，真係好有心 ❤️！
椒鹽瀨尿蝦王 🦐
瀨尿蝦嘅份量十足 🦞，蝦肉極之鮮甜彈牙，令人忍唔住一啖接一啖 🤤👍。
蒜蓉粉絲蒸蟶子皇 🦪
亦非常出色！蟶子清洗得相當乾淨 🧽，入口完全冇沙粒，配以蒜蓉、粉絲同醬油，鮮味突出，特別滋味 🥢✨。
滷水拼盤 🍗🐷
滷水拼盤有水準，包括手撕雞、豬大腸同金錢肚 🥢。金錢肚醃得入味，豬大腸則帶有淡淡嘅油脂香，處理得宜 👌。
沙薑雞 🍗
餐廳特別推介嘅沙薑雞，果然名不虛傳！侍應介紹話係採用新鮮沙薑製成 🌿，入口突出嘅沙薑味，與平時食普通沙薑粉製作大相逕庭，係一道令人印象深刻嘅菜式 🌟。
綠茶布丁 🍵🍮
贈送嘅甜品綠茶布丁，為今餐劃上完美句號 🥳。布丁製作出色，綠茶味香濃，入口順滑，甜而不膩 💚。
餐廳細心之處，仲在於提供冰桶酒杯食用冰 🧊🍷，讓我哋可以盡情暢飲，成晚慶祝氣氛更加盡興 🍻🎊，不愧係開飯熱點！
📍御膳 ▪︎ 香港 ▪︎ 觀塘敬運12樓
📞訂座電話：92228210
