這間牛什麵家是男朋友仔經常去的，但以前佢未考好車牌，我又唔就腳所以未來過，見他這麼有誠意載我去，又講到好好味咁，少吃牛肉的我都順他意去試一試。
招牌是「牛什麵家」，我試了牛什湯麵。而男朋友仔點了牛腩撈麵。
男朋友仔的牛腩撈麵先上枱。我看到一片片的牛腩，有一層肥牛羔層。男朋友仔看到我眼甘甘地望著，問我想唔想試一片？其實我望到眼甘甘，是因為這半肥瘦牛腩，因為這層肥羔，令到賣相有一點點似豬肉的五花腩。不過，一吃落口，這層肥羔入口即溶，牛腩肉很腍。因為這碟撈麵上枱時，碟面上已有一層蠔油，蠔油某程度上減輕了牛的羶味 (如果你本身是一位麻麻地喜歡吃牛肉人，都會明白我們會對羶味特別敏感的) ，撈麵做到夠乾身，跟那菜上的蠔油夠配。男朋友仔話清湯較淡口。
而我勇敢地試牛什麵。材料足量：包括牛腩﹑牛筋﹑牛肺﹑牛腸和牛肝。清湯味較淡，但食著牛什一併飲口清湯時，又覺得清湯能夠提味呢！麵彈牙，夠爽。值得一提是那一塊牛肝，特別大塊的，而且咬落去夠juicy，完全沒有韌度。
這店子雖然細，但晚上店子用黃色燈光，那晚和男朋友仔坐在一角，感覺柔和溫馨。又有美味的牛腩牛什食，多謝男朋友仔！:)
