知道老公呢排做嘢辛苦，今日特登慰勞佢，叫咗 #極上和牛燒肉放題 ，每枱再送 #御節豪華和牛肉重箱，滿足呢位大胃王嘅食慾！
今次主角係 #日本產黑毛和牛 ，100分鐘放題，汽水同Asahi啤酒🍻任點，可以盡情吃喝；QR Code落單送菜好快手，服務員態度和藹，不時推介正嘢👍🏻
🥩嚴選霜降牛肋肉
油花超靚，燒完都依然好滑口，入口即溶
🥩霜降牛脊肉
肉味好濃，輕輕一燒，入口肉汁豐富！
🥩厚燒牛告
肉香爽口，口感極佳，超滿足啊！
🥩黑毛和牛霜降扒
大大塊和牛扒，肉味同樣香濃，正！
除咗和牛重有～
豚肉、蝦、羊架、雞腿肉、燒雞翼、蒜蓉燒蠔、牛油帶子同其他蔬菜等等，好多選擇👏🏻
蛋黃醬好正😄記得點
食到咁上下，我哋叫咗燒菠蘿、燒年糕串、棉花糖同魚餅做甜品，全部都好正，特別紅豆燒魚餅，燒完外脆內軟無得頂！
最後每位食埋杯 #movenpick ，今餐超完美！下次一於再嚟食過🙌🏻
1
1
