金鶴拉麵 (九龍城道) (Closed)

之前喺度都食過好多次招牌白雞湯拉面，個湯底好濃郁creamy.今晚諗住試下鹽味同醬油湯底，試下佢既原汁原味。鹽味湯底都幾清，但係都好夠味，醬油濃d 就更加好味。每碗拉面既靈魂一定係個慢煮雞。雖然係雞胸，但雞肉慢煮過，肉質好嫩滑。連塊叉燒都好好食，佢係薄切得來好大塊，而且食落好腍同帶點油香。配料既木耳同京蔥都好多，仲有兩塊紫菜。溏心蛋好正夠軟滑，麵質又爽彈。另外加多份叉燒同埋雞,每碟都有四塊，滿足晒我呢個食肉獸。