滷府 (Closed)

今日經過鰂魚涌見到這間小店, 個名好有心思, 食字, 叫滷府, 用了老虎做品牌, 實質是賣滷水食品, 門面掛了好多隻滷水鵝, 非常飽滿及大隻, 於是叫了慢煮滷水鵝片飯$88外賣回家食, 再加$8叫了杯特飲紅豆奶茶,餐廳用了慢煮滷水方式烹調, 真的無得輸, 鵝肉味亦好香, 中間肉地軟腍, 整體鵝肉肉質有嚼口, 配料方面還有滷水蛋, 罕有的滷水腐皮卷、酸辣炸菜餸飯, 加埋大量滷水汁撈飯, 不知不覺好快已食完碗飯。店內廚窗還有多樣滷水款式, 見到有巨型鵝翼, 好想試下, 而且見另一菜單, 可以預早訂淨餸作Party之用, 尤其節日同家人食做節飯,啱晒。紅豆奶茶也不錯, 紅豆夠綿, 帶出香濃茶香。