滷府 (Closed)

好喜歡幫襯小鋪, 因為係小本經營, 食品都會因應客人嘅喜好而去做，仲會係有heart 去做好食材。之前食過兩餸飯:滷水鵝拼滷水雞, 嗰次嘅滷水雞令我有驚喜。已決定下次一定一定要叫多D雞~哈哈今日屋企人話要斬料加餸, 即係就諗起滷府啦, 好彩6點幾去到仲有一隻雞咋, 即刻:半隻滷水雞攞走。慢煮雞真係零捨好味!隻雞一D都唔肥, 咁就可以食埋D滷水雞皮, 滷水好味香濃,但又唔會好咸👍🏻慢煮雞肉真係整到好滑溜, 雞脾就梗係至正啦😋😋, 就算係雞胸肉都不會煮到嚡哂, 仲好有雞味架😍😍係疫情下, 我都只會幫襯D乾乾淨淨, 企企理理嘅鋪頭, 尤其係滷水, 打冷🥢🥢