先叫左個重慶麻辣雞煲小辣, 店員幫手再炒熟雞件, 仲要份量都幾多, 每件都啖啖肉, 小辣辣度比平時食到既弱小小, 不過雞件都算幾入味
食完雞煲就叫左嫩滑酸菜魚, 都係叫左小辣, 我地怕太多所以叫店員比半份我地食住先, 估唔到半份都比想像中多, 除左魚片之外, 仲有豆卜、雲耳同薯粉, 酸菜味唔會好濃, 個味道剛好又唔會太酸太咸, 魚片質感滑溜, 有埋薯粉配食好夾
食完個酸菜魚, 開始打邊爐啦, 叫左旺角店限定既龍躉生蠔魚湯鍋, 湯底好足料, 厚切龍躉片加埋四隻生蠔, 店員提醒生蠔唔洗灼太耐, 食落幾鮮有蠔味, 龍躉啖啖肉
火鍋配料除左可以用QR掃二維碼叫肉類同小食之外, 係自助區都有好多款丸類、菜類、麵類選擇, 醬料、飲品同雪糕雪條都係自助形式自取
1
1
環境乾淨衛生, 坐位都坐得闊落, 最緊要係任飲任食無限時, 唔洗食得趕頭趕命, 可以一邊傾住計慢慢食, 物超所值!
