今次係第一次，一去到入口已經覺得有種脫離繁囂嘅感覺，只係轉左個角變得好平靜，門口冇人冇車真係有種與世隔絕嘅feel。
因為今日星期六去到已經full晒，而且咖啡店嘅賣點就係比大家坐低慢慢嘆杯靚咖啡，吹吓水享受下個悠閑嘅感覺🥰所以絕對唔會係嗰啲有壓力要食完快快手走比下一個入嗰隻☕️☕️☕️
亦因為咁，建議大家可以早啲去等位、又或者訂個位先，可以嘅話閒日去應該仲好。
本來佢係有分開淨飲咖啡，同埋食飯嘅位置。
正飲咖啡就到到都坐得，包括室外梳化矮茶几。食飯就得室內兩三張枱。
佢驚我哋等得耐都建議我哋坐室外嘅枱。
我哋叫咗兩個定食、飯團、蛋糕同埋咖啡。
食物嚟到全部都好精緻，而且佢會先上正餐再嚟甜品最後先上咖啡等你可以逐間品嚐。
飯團比想像中嘅味道更加有層次，真講真本身以為得個樣，點知原來係賣相又靚食落都有驚喜，兩隻色嘅飯團係兩個唔同口味👍🏻👍🏻
但都有三隻味，我就揀咗紫薯牛乳，真係好好味。
手沖咖啡，首先會叫咖啡師過嚟同你解釋每一種咖啡豆嘅口味
揀咗豆之後，會即刻將咖啡豆磨成粉
磨成粉之後會拎過嚟俾你聞一聞個口味啱唔啱，然後咖啡師就會即場拎晒成套工具放喺客人面前，沖俾你。
鍾意飲咖啡嘅人一定唔可以錯過。
