築地‧山貴水產市場 (Closed)

男友人神神祕祕話要帶我去一個地方，約左喺尖沙咀等，原來仲要搭船先去到，一落船佢就話到啦，一擰轉有個勁大嘅築地市場牌，一個唔覺意以為去左日本，好驚喜呀！入面有個小小嘅超級市場，乾貨同精品都有賣，再行入去有via tokyo，拉麵區，丼飯區，燒物區等等。我地就去左拉麵區試。海鮮拉麵，入面有海老蟹肉烏賊香蔥同海苔，配左醬油湯。麵質偏硬但我地都幾鍾意，整體好好味！另一碗就叫叉燒拉麵，有5塊叉燒，味玉，竹筍，香蔥同海苔，呢碗配醬油湯。個叉燒不得不承認係幾好味，半肥瘦，入口超香。湯底好特別，好鍾意。食完再飲返杯熱茶就最合適不過。