元朗合隆潮州粉麵 (益發大廈) (Closed)

老闆娘態度極惡劣，衰過澳牛

一行入舖頭同店員示意嗌外賣，有個職員帶咗我去收銀處落單，本身已經喺門口諗好食咩，同老闆娘講要白胡椒湯底，老闆娘態度已經好差咁講：「白胡椒湯唔洗同我講，我地本身就係」，我又唔喺度做，就算係都可以禮貌地講下次唔需要講。

之後嗌餸，一開口老闆娘就話：「你阻住咗後面，呢度有紙寫。」同一句說話重覆咗好多次話我阻咗後面外賣客落單，本身已經喺門口諗好食咩，開口就比老闆娘鬧，又唔係慢慢嗌，難道其他客人就係客，我就唔係？連單都唔想落咁，問心係幾好食，但就算幾好食唔會再有下次，未食已經要受氣，屋企樓下都唔會再幫襯！

如果外賣要寫紙，可以一早講明，明明店內唔多客，等叫外賣都係一兩個，需要咁講嘢嗎，同一條街其實有好多好嘢食，隔離大業個老闆態度超親民，老闆娘唔該學吓！