Video
Read full review
2020-07-19
498 views
真係火滾到係openrice寫第一篇食評。(長文慎入)之前假日下午同友人一齊到大尾篤玩，見到泰太廚房裝修不差諗住入去食餐好enjoy下。一入到去，紋身香港女侍應飛menu落枱，大力扔碟杯上枱，已覺驚訝😦落單時態度照舊無表情無回應。食物來到由另一位泰籍侍應送上，諗住換人態度會好d，但都係大大力扔係張枱邊(無錯係枱邊)就算，幸好食物質素算正常。我們以為太晏入場阻佢哋落場休息所以先發脾氣，但原來keep住都仲有客人入來，先發現佢地對所有人態度一視同仁咁差，保持到統一水準，感覺有如係監獄風雲入面獄長般態度對待。旁邊一枱一家大細客人想食幾樣野都剛好賣晒，個侍應好惡話”無！賣晒！食其他！”然後轉頭就走，之後他們再揀好講菜名時，待應大大聲教訓”你講number得啦！唔洗同我講菜名！”，有如獄長般訓話，奈何這枱客人有品有禮，沒有反枱，只默默搖頭對望。及後另一枱客人想叫生啤但可能讀錯，侍應火又黎了😡大大聲講”你望下果到先啦(手指向水吧)邊到有先得架！”客人急忙倒歉話自己睇錯。另一枱客人落單時，餐廳電話响，泰侍應一聲無出就接電話，然後好兇地伸大手掌到客人面前(真係塊面前面)示意唔好再講野住，客人無奈停口等
(長文慎入)
之前假日下午同友人一齊到大尾篤玩，見到泰太廚房裝修不差諗住入去食餐好enjoy下。
一入到去，紋身香港女侍應飛menu落枱，大力扔碟杯上枱，已覺驚訝😦落單時態度照舊無表情無回應。
食物來到由另一位泰籍侍應送上，諗住換人態度會好d，但都係大大力扔係張枱邊(無錯係枱邊)就算，幸好食物質素算正常。
我們以為太晏入場阻佢哋落場休息所以先發脾氣，但原來keep住都仲有客人入來，先發現佢地對所有人態度一視同仁咁差，保持到統一水準，感覺有如係監獄風雲入面獄長般態度對待。
旁邊一枱一家大細客人想食幾樣野都剛好賣晒，個侍應好惡話”無！賣晒！食其他！”然後轉頭就走，之後他們再揀好講菜名時，待應大大聲教訓”你講number得啦！唔洗同我講菜名！”，有如獄長般訓話，奈何這枱客人有品有禮，沒有反枱，只默默搖頭對望。
及後另一枱客人想叫生啤但可能讀錯，侍應火又黎了😡大大聲講”你望下果到先啦(手指向水吧)邊到有先得架！”客人急忙倒歉話自己睇錯。
另一枱客人落單時，餐廳電話响，泰侍應一聲無出就接電話，然後好兇地伸大手掌到客人面前(真係塊面前面)示意唔好再講野住，客人無奈停口等待，旁人睇場面其實十分好笑。
之後觀察食物送上都係bling Ling ban lan咁扔上枱
，感覺全場4枱客人都係佢哋仇人。
相信好多客人一心前來大尾篤遊玩都保持住歡樂心情而不想同侍應鬧交及反枱影響假日開心回憶，但奈何店員不斷挑戰各客人底線，希望泰太老闆/老闆娘睇到會調教一下員工服務態度，雖然已經無可能會再幫襯第二次，但都希望下一位顧客不用難受。
本人做左服務業多年，深明餐廳除了食物好吃外，服務態度良好才可以真正保持住水準，食客才能回頭幫襯。就算唔寄望有很好的態度，但都起碼有返少少尊重吧，當客人是仇人嗎？
另外價錢也不太抵吃，味道還好都正常。
特別是點了椰青，天口勁熱諗住會冰涼，點知椰青送到是暖偏熱的，暖的椰青感覺獨特。
總結，不特別推介朋友來吃。
但如果想體驗獨特的服務態度及喜歡別人挑戰底線的朋友會推介大尾篤的泰太廚房👍🏻🍻
Post